Si
voliti chi vi dicu chidda mia
Na vota si ca nc'era a ferruvia
Si viaggiava magari cu ritardu
Ma da genti si aviva assai riguardu
Un
tempu u Dirigenti i Movimentu
Si consumava sempri a focu lentu
Tra treni chi ndaviva a licenziari
Biglietti merci e cunti pe quatrari
Si
uno voliva na prenotazioni
N'abbonamento o n'informazioni
Nto sportellu curriva di filatu
Lestu lestu veniva ccuntentatu
Eranu
tempi cu n'attru modi i fari
Non ceranu computer e cellulari
A ferruvia pariva na famigghia
No com'a ora focu mi nci pigghia
Oji
a musica è tutta cangiata
"Signori quì si cambia" é la sonata
I treni ndannu a esseri puntuali
E allura......riducimu u persunali!
Oh
chi bellizza! Chi soddisfazioni!
Chiudiru tutti quanti li stazioni
E stanchi di cussì tantu ragghiari
Mi crisci l'erba dassaru nde binari
Si
vo' sapiri comu viaggia un trenu
E' facili tu chiami u caputrenu
Fai u numeru tuttu di filatu
E ti rispundi chi non é ssociatu
Finora
esti orariu u Regionali
Vo' vidiri ca parti puntuali!
Ti rriva u machinista e sai chi dici
Chi ndav'e fari nafta a motrici
Eu
non ndi pozzu cchjù signori mei
Ma chisti sunnu cosi di zangrei
I viaggiatori si ncazzanu cu mmia
Chi su patruni eu da ferruvia?
Pe
fari perdiri di cchjuni la pacenza
Cacciaru i treni a lunga percorrenza
Troppa comodità chi su sti lussi
E' megghiu si pigghiati l'autobussi
Sapiti
chi vi dicu a tutti quanti
I sta manera non si po' jiri avanti
Ogni tantu mi cchiappa a nostalgia:
"Quant'era bella na vota a ferruvia"
